މައުމޫން ވެސް ބައިޑެން އަށް މަރުހަބާ ދަންނަވައިފި

އެމެރިކާގެ ރިޔާސީ އިންތިހާބު ކާމިޔާބު ކުރެއްވި ޖޯ ބައިޑެން އަށް، ކުރީގެ ރައީސް މައުމޫން އަބްދުލްގައްޔޫމް މަރުހަބާ ވިދާޅުވެއްޖެއެވެ.

މައުމޫން މިއަދު ކުރެއްވި ޓުވީޓެއްގައި ވިދާޅުވީ އެމެރިކާގައި ބޭއްވި ތާރީހީ ރިޔާސީ އިންތިހާބު އިންތިހާބީ ރައީސް ބައިޑަން އާއި ނައިބު ރައީސް ކަމަލާ ހާރިސް، ކާމިޔާބު ކުރެއްވުމާ ގުޅިގެން ދެ ބޭފުޅުންނަށް ވެސް މަރުހަބާ ދަންނަވާ ކަމަށެވެ.

މައުމޫން ވިދާޅިވީ ކޮވިޑް-19 ގެ ބަލިމަޑުކަމުން އަރައިގަތުމަށާއި މޫސުމީ ބަދަލުތަކުން އަރައިގަތުމަށާއި ދުނިޔޭގެ ސުލްހައަށާއި ހަމަޖެހުމަށްޓަކައި އެމެރިކާ އިން މުހިންމު ރޯލެއް އަދާ ކުރަން ޖެހޭ ކަމަށެވެ.

Warm congratulations President-elect @JoeBiden and Vice-President-elect @KamalaHarris on a historic win. America must play its role in fighting the Covid pandemic, solving the climate emergency and creating a more peaceful and prosperous world for everyone.

— Maumoon Abdul Gayoom (@maumoonagayoom) November 8, 2020

ވާދަވެރި އިންތިހާބަކަށް ފަހު ރައީސް ޑޮނަލްޑް ޓްރަމްޕް ބަލިކުރައްވާ އިދިކޮޅު ކެންޑިޑޭޓް ޖޯ ބައިޑަން އެމެރިކާގެ ރިޔާސީ އިންތިހާބު ކާމިޔާބުކުރައްވާފައި ވަނީ290 އިލެކްޓޯރިއަލް ވޯޓު ހޯއްދަވައިގެންނެވެ. މިހާރުގެ ރައީސް ޑޮނަލްޑް ޓްރަމްޕަށް ލިބިވަޑައިގަތީ 214 ވޯޓެވެ.

އުމުރުފުޅުން 77 އަހަރުގެ ބައިޑެން އަކީ އެމެރިކާގެ ރައީސް ކަމަށް އިންތިހާބުވެ ވަޑައިގެންނެވި 46 ވަނަ ރައީސް އެވެ. އަދި ބައިޑެންގެ ނައިބު ރައީސާ، ކަމަލާ ހެރިސް އަކީ އެމެރިކާގެ ފުރަތަމަ ކަޅު ނަސްލުގެ ނައިބު ރައީސާ އެވެ.