ހަތިޔާރު ބޭނުންކޮށްގެން ސިފައިންގެ އަސްކަރީ ތަމްރީންތަކެއް ޅ. މާފިލާފުށީގައި ފަށައިފިއެވެ.
ޑިފެންސް މިނިސްޓްރީން ކުރި އިއުލާނެއްގައި ބުނީ މި އަސްކަރީ ތަމްރީންތައް މިމަހުގެ 15 ވަނަ ދުވަހުގެ ނިޔަލަށް ކުރިއަށްގެންދިޔުމަށް ނިންމާފައިވާކަމަށާއި އެގޮތުން މިދުވަސްތަކުގައި ކޮންމެ ދުވަހަކު އިރުއޮއްސި 6:00 އިން މެންދަމު 1:00 އަށް ކުރިއަށްގެންދާ މި ތަމްރީންތަކުގައި ހަތިޔާރު/ ޕައިރޯޓެކްނިކްސް ބޭނުންކުރުމަށް ހަމަޖެހިފައިވާ ކަމަށެވެ.
އެ މިނިސްޓްރީން ބުނީ މި ތަމްރީންތަކުގައި ހަތިޔާރުގެ ގޮތުގައި ބޭނުން ކުރާނީ އޭކޭ ސީރީޒް ރައިފަލް ކަމަށާއި ވައިގެ ސަރަހައްދު ބޭނުންކުރާ އެންމެ ދުރުމިނާއި އުސްމިނަކީ 2900 މީޓަރުކަމަށާއި ވައިގެ ސަރަޙައްދުން ބޭނުންކުރާނެ އެންމެ ތިރިމިނަކީ ސީލެވެލްކަމަށެވެ.
ވައިގެ ސަރަހައްދު ބޭނުންކުރާ މިސްރާބަކީ މާފިލާފުށި ރޭންޖުން ހުޅަނގު ދެކުނަށް ކަމަށް ޑިފެންސް މިނިސްޓްރީން ބުނެއެވެ.
advertisment