ދިވެހި ރައްޔިތުންގެ ޕާޓީ(ޑީއާރްޕީ) ގެ ނައިބު ލީޑަރުގެ މަގާމުން އަބްދުﷲ ރިފާއު(ބޮޗޭ) އިސްތިއުފާ ދެއްވައިފި އެވެ.
ކުރީގެ މާފަންނު ދެކުނު ދާއިރާގެ މެމްބަރު އަބްދުﷲ ރިފާއު މިރޭ ކުރެއްވި ޓްވީޓެއްގައި ވިދާޅުވީ ޔޮޓް ޓުއާސް ގްރޫޕްގެ އިތުރުން ޑީއާރުޕީއިން އިސްތިއުފާ ދެއްވާފައިވާ ކަމަށެވެ.
އަދި އޭގެއިތުރުން ކާށިދޫ ދާއިރާގެ މަޖިލީސް ސެކްރެޓެރިއޭޓްގެ މަގާމުންވެސް އިސްތިއުފާ ދެއްވާފައިވާ ކަމަށްވެސް އޭނާ ވިދާޅުވިއެވެ. ނަމަވެސް އެ މަގާމުތަކުން ބޮޗޭ އިސްތިއުފާ ދެއްވާފައިވާ ސަބަބެއް ހާމަކުރައްވާފައެއް ނުވެއެވެ.
ބޮޗޭ މީގެކުރިން ހުންނެވީ ޕީޕީއެމްގައި ކަމަށްވާއިރު އޭނާ ޑީއާރްޕީއާ ގުޅުނީ މިދިޔަ އަހަރުގެ ޖުލައި މަހުގެ ތެރޭގައެވެ.