ލޮނުޒިޔާރަތް ޕާކަށް މިހާތަނަށް 12،000 އަށް ވުރެ ގިނަ މީހުން ޒިޔާރަތްކޮށްފިއެވެ.
މާލޭ ސިޓީ ކައުންސިލުން މިއަދު ބުނީ މި މަހުގެ 12 ވަނަ ދުވަހު ހުޅުވި މި ޕާކަށް މިހާތަނަށް 12،773 މީހުން ޒިޔާރަތްކޮށްފައިވާ ކަމަށެވެ.
ލޮނުޒިޔާރަތް ޕާކު ހުޅުވާފައި ހުންނާނީ ފަތިހު 4:30 އިން ހެނދުނު 9:30 އަށާއި ހަވީރު 4:30 ން ރޭގަނޑު 9:30 އަށެވެ.
ސިޓީ ކައުންސިލުން ވަނީ ޕާކުތައް ސާފުތާހިރުކޮށް ބެހެއްޓުމަށާއި، އެޗްޕީއޭގެ ގައިޑްލައިންތަކަށް ރައްޔިތުން ދޭ ސަމާލުކަމަށް ޝުކުރު އަދާކޮށްފައެވެ.
މިދިޔަ އަހަރުގެ ފެބްރުއަރީ މަހު މަސައްކަތް ފެށި މި ޕާކު ހެދުމަށް ސަރުކާރުން 16.8 މިލިއަން ރުފިޔާ ހަރަދުކޮށްފައިވެއެވެ.