މާލޭގެ މަގުމައްޗަކަށް ވެއްޓިފައި އޮތް ދިވެހި ފިރިހެނެކަށް ފަރުވާދެމުންދަނިކޮށް މަރުވެއްޖެއެވެ.
ފުލުހުން ބުނީ ދެވިނާމަގުގައި އުމުރުން 44 އަހަރުގެ އެ މީހާ ވެއްޓިފައިވާ ކަމުގެ މައުލޫމާތު މިއަދު މެންދުރު 14:03 ހާއިރު ލިބިފައިވާ ކަމަށެވެ.
ފުލުހުން އެ ސަރަހައްދަށް ގޮސް ޕޮލިސް ވެހިކަލުގައި އެމީހާ އައިޖީއެމްއެޗަށް ގެންދިޔައިރު، އެމީހާ މަރުވެފައިވަނީ އައިޖީއެމްއެޗުގައި ފަރުވާދެމުންދަނިކޮށް ކަމަށް ފުލުހުން ބުނެއެވެ.
މި ހާދިސާއާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ.