ބިދޭސީންގެ ބަދަލުގައި ގިނަ އަދަދަކަށް ދިވެހި ޓީޗަރުން ހޯދަނީ

ބިދޭސީ ޓީޗަރުންގެ ބަދަލުގައި ގިނަ އަދަދަކަށް ދިވެހި ޓީޗަރުން ހޯދަން އިއުލާނުކޮށްފި އެވެ.

އެގޮތުން ދިވެހި ޓިޗަރުން ހޯދުމަށް ޖުމުލަ 18 ސްކޫލަކުން ވަނީ އިއުލާންކޮށްފައެވެ.

މުސާރައިގެ ގޮތުގައި މި މަގާމުތަކަށް ހޮވޭ ޓީޗަރުންނަށް 7070 ރުފިޔާއާއި 10640 ރުފިޔާއާއި ދެމެދުގެ އަދަދަކަށް ދިނުމަށް ވަނީ ނިންމާފައެވެ.

އަދި ސާވިސް އެލަވެންސްގެ ގޮތުގައި 2500 ރުފިޔާއާއެކު އެހެނިހެން އެލަވެންސްތައް ވެސް ލިބޭނެ ކަމަށް އިއުލާނުގައި ބުނެފައިވެއެވެ.

މަގާމަށް އެދި ހުށަހަޅަންޖެހޭނީ ސެޕްޓެމްބަރު 10 ވާ އަންގާރަ ދުވަހުގެ މެންދުރު 1:00ގެ ކުރިން، މަގާމް އޮތް ސްކޫލަކަށެވެ.

މި މަޤާމަށް މީހަކު ހޮވުމަށް ބޭއްވޭ އިންޓަވިއު އޮންނާނީ ،30 ޑިސެމްބަރ 2020 އާއި 07 ޖެނުއަރީ 2021 އާ ދެމެދު، މަގާމު އޮތް ސްކޫލެއްގެ އޮފީހެއްގަ އެވެ.