ގއ.ދެއްވަދޫން އިތުރު 11 މީހަކު ކޮވިޑް-19 އަށް ޕޮޒްޓިވްވެއްޖެއެވެ.
މިއާއެކު އެރަށުން ޕޮޒްޓިވްވީ މީހުންގެ ޖުމްލަ އަދަދު ވަނީ 55 އަށް އަރައިފިއެވެ.
ދެއްވަދޫގައި ކޮވިޑް-19 ފެތުރެން ފެށި ގޮތެއް ނޭންގެއެވެ. އެޗްޕީއޭ އިން ލަފާކުރާ ގޮތުގައި އެރަށުގައި ކޮވިޑް-19 ފެތުރެމުން އަންނަތާ މިހާރު ދުވަސްތަކެއް ވެދާނެއެވެ.
ދެއްވަދޫ ކްލަސްޓާ އާއި ގުޅިފައިވާ މީހުން އެހެން ރަށްރަށުން ވެސް އަންނަނީ ކޮވިޑް-19 އަށް ޕޮޒްޓިވްވަމުންނެވެ. އެގޮތުން ގއ.ވިލިނގިލިން ވަނީ ދެވަނަ ދަރިވަރަކު ކޮވިޑް-19 އަށް ޕޮޒްޓިވްވެފައެވެ.
ލ.އަތޮޅު ފޮނަދުއަށް ދެއްވަދޫން ދަތުރުކުރި ހަތަރު މީހަކު ވެސް ކޮވިޑް-19 އަށް ޕޮޒްޓިވްވެފައި ވެއެވެ.