ފަސް އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް އަބްދުﷲ ޔާމީން މިނިވަން ކުރަން އަވަށްޓެރި އިންޑިއާ އާއި ޕާކިސްތާނާއި ސްރީ ލަންކާގެ އެހީތެރިކަމަށް ގޮވާލައިފިއެވެ.
ރައީސް ޔާމީންގެ އިސް ގާނޫނީ ވަކީލު ޑރ. މުހައްމަދު ޖަމީލް އަހުމަދު ކުރެއްވި ޓްވީޓެއްގައި ވިދާޅުވީ ރައީސް ޔާމީންގެ މައްޗަށް އިއްވާފައިވާ ޖަލު ހުކުމަކީ ސިޔާސީ މަގްސަދެއްގައި އިންސާފުން ބޭރުން ހިންގި ޝަރީއަތްތަކެއްގައި އިއްވާފައިވާ ހުކުމެއް ކަމަށެވެ.
ޖަމީލް ކުރެއްވި ޓްވީޓްގައި އިންޑިއާގެ ބޮޑު ވަޒީރު ނަރެންދްރަ މޯދީއާއި ޕާކިސްތާނުގެ ބޮޑުވަޒީރު އިމްރާން ޚާންގެ އިތުރުން ސްރީލަންކާގެ ބޮޑުވަޒީރު މަހެންދްރަ ރާޖެޕަކްސަ ޓެގް ކުރައްވާފައިވެއެވެ.
އަދި ރައީސް ޔާމީން ވަގުތުން މިނިވަންކުރުމަށް އެ ގައުމުތަކުގެ އެ ލީޑަރުންނަށް ޖަމީލް ގޮވާލައްވާފައިވެއެވެ.
advertisment