ރާއްޖޭގެ ހުރިހާ ހޮސްޕިޓަލެއްގައި މާދަމާއިން ފެށިގެން ވެކްސިން ދޭން ފަށާނެކަމަށް ހެލްތް އިމަޖެންސީ އޮޕަރޭޝަން ސެންޓަރު (އެޗްއީއޯސީ)އިން ބުނެފިއެވެ.
ކޮވިޑް-19 އިން ރައްކާތެރިވިވުމަށް ގެނެސްފައިވާ ވެކްސިން މިހާރު ޖަހަނީ މާލެސިޓީ، އައްޑޫސިޓީ އަދި ކުޅުދުއްފުށިސިޓީގައެވެ.
އެޗްއީއޯސީން ބުނެފައިވަނީ މަސައްކަތް ކުރަމުން އަންނަނަނީ ކުރިއަށް އޮތް 10 ދުވަހުގެ ތެރޭގައި ސިއްހީ ހިދުމަތްތެރިންނަށް ވެކްސިންދީ ނިންމާލުމަށްކަމަށެވެ.
އަދި މާދަމާއިން ފެށިގެން ރާއްޖޭގެ ހުރިހާ ހޮސްޕިޓަލްތަކެއްގައި ވެކްސިންޖެހުމުގެ މަސައްކަތް ކުރިއަށްގެންދާނެ ކަމަށެވެ. އަދި އޭގެ އަނެއް ދުވަހު ހުރިހާ ހެލްތް ސެންޓަރުތަކެއްގައި ވެކްސިން ޖެހުމުގެ މަސައްކަތް ފެށޭނެކަމަށެވެ.
އިއްޔެ ރާއްޖޭގައި ވެކްސިންޖެހުމުގެ މަސައްކަތް ފަށާފައިވާއިރު، ދައުލަތުގެ ތިން ބާރުގެ އިސްވެެރިން ވަނީ ވެކްސިން ޖައްސަވާފައެވެ.