ރާއްޖޭގެ ކަނޑުގެ ސަރަހައްދަށް ވަދެ އުޅުނު ބޭރުގެ މަސްބޯޓެއް ހިފަހައްޓައިފިއެވެ.
އެމްއެންޑީއެފުން ބުނީ ސ.ގަމުގެ ދެކުނުން 15 ނޯޓިކަލް މޭލު ބޭރުގައި، ބޭރުގެ މަސްބޯޓެއް ހަރަކާތްތެރިވާ ކަމުގެ މައުލޫމާތު ލިބިގެން އެމްއެންޑީއެފް ސަދަން އޭރިއާ ކޯސްޓްގާޑުން ހަރަކާތްތެރިވަމުންދާ ކަމަށެވެ.
މި ބޯޓްގެ މައުލޫމާތު ސިފައިންނަށް ދީފައިވަނީ އެ ސަރަހައްދުގައި މަސްވެރިކަން ކުރަން އުޅުނު ސ.މަރަދޫ “ރަސްކުރި” ނަމަކަށް ކިޔާ މަސް ދޯންޏަކުން ކަމަށް އެމްއެންޑީއެފުން ބުނެއެވެ. މި ބޯޓާއި ގުޅޭ މައުލޫމާތު ކޯސްޓްގާޑުން މިހާރު އަންނަނީ ނަގަމުންނެވެ.
މި ބޯޓު މިހާރު އޮތީ ކޯސްޓްގާޑުގެ ބެލުމުގެ ދަށުގައެވެ.