މާފަރު އެއާޕޯޓުގައި ގާއިމްކުރި ޕީސީއާރު ލެބުގެ ހިދުމަތް އަލުން ފެށުމަށް ތައްޔާރުވެއްޖެއެވެ.
މާފަރު އެއާޕޯޓުގައި ކޮވިޑަށް ޓެސްޓު ކުރާނެ ލެބެއް ގާއިމް ކުރީ ސޮނޭވާގެ ހަރަދުގައެވެ. އެ ލެބްގެ ކަންކަން ބަލަހައްޓަމުން ގޮސްފައިވަނީ އޭޑީކޭގެ އެހީއާއެކުއެވެ.
ސޮނޭވާ އިން މިއަދު ބުނީ މިދިޔަ ހަފްތާގައި އެ ލެބު ބަންދުކުރީ ގިނަ ޓެސްޓުތައް ހެދޭނެ އިންތިޒާމު ހަމަޖެއްސުމުގެ ގޮތުން ކަމަށެވެ
އެގޮތުން އެ އިންތިޒާމުތައް މިހާރު ހަމަޖައްސާފައިވާ ކަމަށާއި ހެލްތް މިނިސްޓްރީން އެ އިންތިޒާމުތައް ބެލުމަށްފަހު ލެބްގެ ހިދުމަތް ފެށުމަށް ހުއްދަ ދީފައިވާ ކަމަށް ސޮނޭވާ އިން ބުނެއެވެ.