ވިލިމާލޭގައި ހުންނަ ކުޑަކުދިންގެ ހިޔާގައި އަލިފާން ރޯވެ ބޮޑެތި ގެއްލުންތަކެއް ލިބިއްޖެއެވެ.
އެމްއެންޑީއެފް އިން ބުނީ ވިލިމާލެ ކުޑަކުދިންގެ ހިޔާގައި އަލިފާން ރޯވެގެން އުޅޭ ކަމުގެ ރިޕޯޓް ލިބިފައި ވަނީ މިއަދު ހެނދުނު 10:04 ގައި ކަމަށާއި މިހާރު ފަޔާ އެންޑް ރެސްކިއުގެ ސިފައިން ވަނީ އަލިފާން ނިއްވާލާފައި ކަމަށެވެ. އަލިފާން އެއްކޮށް ނިއްވާލެވިފައި ވަނީ 10:15 ހާއިރުއެވެ.
އަލިފާން ރޯވެފައިވަނީ ކުދިން ދިރިއުޅޭ ފްލޯއެއްގައެވެ. ނަމަވެސް އެއްވެސް ކުއްޖަކަށް އަދި މީހަކަށް ވެސް މިހާދިސާގައި އަނިޔާއެއް ލިބިފައެއް ނުވެއެވެ.
އަދި މޯލްޑިވްސް ޕޮލިސް ސަރވިސްއިން ގެންދަނީ މި ހާދިސާ އިތުރަށް ބަލަމުންނެވެ.
advertisment