އެމްޑީޕީ ތެރޭގައި މައްސަލަ ޖެހިގެން އުޅެނީ ބައެއް ވަޒީރުންގެ ކޮރަޕްޝަނުގެ އަވައިގާ ޖެހިގެން ވަކި ބަޔަކު އެޖެންޑާ19 ތަންފީޒު ކުރުމަށް ހުރަސް އަޅަން ފެށުމުން ކަމަށް އުނގޫފާރު ދާއިރާގެ މެމްބަރު މުހައްމަދު ވަހީދު ވިދާޅުވެއްޖެއެވެ.
ވައްޑޭ މިހެން ވިދާޅުވީ މަޖިލީހަށް އެމްޑީޕީގެ މެމްބަރުން އިންތިހާބުވެފައިވަނީ އެމްޑީޕީގެ ރައީސް މުހައްމަދު ނަޝީދުގެ ފޮޓޯ ދައްކައިގެން ކަމަށް ބުނެ ބައެއް ފަރާތްތަކުން ސޯޝަލް މީޑިއާގައި ވާހަކަތައް ދައްކަމުން ދަނޑިވަޅެއްގައެވެ.
ވައްޑޭ ކުރެއްވި ޓްވީޓެއްގައި ވިދާޅުވެފައިވަނީ، މެމްބަރުން މަޖިލީހަށް ހޮވުނީ ވަކި މީހެއްގެ ފޮޓޯއެއް ދައްކައިގެން، ވަކި މީހެއްގެ އަތުގައި ހިފައިގެން ނުކުތީތީ ނޫންކަމަށާއި މެމްބަރުން މަޖިލީހަށް ހޮވިފައިވަނީ އެޖެންޑާ19 ވިއްކައިގެންކަން ކަމަށެވެ.
“މައްސަލަ ޖެހިގެން މިއުޅެނީ ބައެއް ވަޒީރުންގެ ކޮރަޕްޝަނުގެ އަވައިގާ ޖެހިގެން ވަކި ބަޔަކު އެޖެންޑާ19 ތަންފީޒު ކުރުމަށް ހުރަސް އަޅަން ފެށުމުން.” ވައްޑެ ވިދާޅުވިއެވެ.
އިއްޔެ ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ރައީސް އިބްރާހިމް މުހައްމަދު ސޯލިހު ވިދާޅުވީ އެމްޑީޕީގެ މަޖިލީހުގެ 65 ގޮނޑި ކާމިޔާބު ކުރެވުނުއިރު ސަރުކާރާއި ވަރަށް ގިނަ ބައެއްގެ މަސައްކަތް ހިމެނިފައިވާނެ ކަމަށާއި އެހެން ނޫންނަމަ އެވަރުގެ ބޮޑު އަދަދެއް ކާމިޔާބު ކުރެވޭނެ ކަމަށް ގަބޫލުނުކުރައްވާ ކަމަށެވެ.
One Response
ހަނދާނަށް އަންނަނީ ލަވައެއް، ދެ ބުޅާ ކޯޅިގަނެގެން ގޭއެންމެ ހޭލައްވައިޕޭ