އެސްޓީއޯގެ ތެޔޮ ބޯޓެއް ދިޔަވާތީ އެމްއެންޑީއެފްގެ ކޯސްޓްގާޑުން ހަރަކާތްތެރިވާން ފަށައިިފި އެވެ.
އެމްއެންޑީއެފްގެ އިސް ތަރުޖަމާން މޭޖާ އިބްރާހިމް އާޒިމް ވިދާޅުވީ ގދ.ފަރެސްމާތޮޑާ ކައިރިން އެސްޓީއޯގެ ތެޔޮ ބޯޓް “އެމްވީ އަލިހުރަސް” ދިޔަވާ ކަމުގެ މައުލޫމާތު ލިބިގެން ސިފައިންގެ ކޯސްޓްގާޑްގެ ސްކޮޑްރަންގެ ޑައިވަރުން ހަރަކާތްތެރިވަމުންދާ ކަމަށެވެ. މި ހާދިސާގެ ރިޕޯޓް ސިފައިންގެއަށް ލިބިފައިވަނީ 5:10 ގައެވެ.
އާޒިމް ވިދާޅުވީ ބޯޓަށް ދިޔަވުން މިހާރު ކޮންޓްރޯލް ކުރެވިފައިވާ ކަމަށާއި، އަދި ގެއްލުން ލިބިފައިވޭތޯ ސިފައިން މިހާރު ބަލަމުންދާ ކަމަށެވެ.
މި ބޯޓްގައި 4322.735 ކިލޯ ލީޓަރުގެ ޑީސަލް އާއި 456.514 ކިލޯ ލީޓަރުގެ ޕެޓްރޯލް ހުއްޓެވެ. ބޯޓްގައި 17 ދިވެހިން ތިބި ކަމަށްވެސް އާޒިމް ވިދާޅުވިއެވެ.