ގެސްޓް ހައުސްއެއްގައި ޒުވާނަކު ބަރަހަނާކޮށް އަނިޔާކުރި މައްސަލައެއް ބަލަނީ

ގެސްޓްހައުސްއެއްގެ ތެރޭގައި ޒުވާން ފިރިހެނަކު ބަރަހަނާކޮށް އަނިޔާކުރި މައްސަލަ ބަލަމުންދާ ކަމަށް ފުލުހުން ބުނެފި އެވެ.

ފުލުހުން ބުނީ، މި މައްސަލައިގެ ތަހުގީގު ފުރިހަމަ ކުރުމައްޓަކައި ކުރަންޖެހޭ މަސައްކަތްތައް ފުލުހުންގެ ފެމިލީ އެންޑް ޗައިލްޑް ޕްރޮޓެކްޝަން ޑިޕާޓްމަންޓުން ކުރަމުން ގެންދާ ކަމަށެވެ. އެގޮތުން މި މައްސަލައިގެ ވަށައިގެންވާ ހުރިހާ ކަމެއް ވެސް މި ތަހުގީގުގެ ތެރެއިން ބެލިގެން ދާނެ ކަމަށް ފުލުހުން ބުނެއެވެ.

ގުރޫޕަކުން އެ ޒުވާނާއަށް އަނިޔާކުރާ މަންޒަރު ފެންނަ ދެ ވީޑިއޯއެއް ސޯޝަލް މީޑިއާގައި ވަނީ އާންމުވެފައެވެ. ވީޑިއޯގައި އެ ޒުވާނާއަށް އަނިޔާކޮށް އިންޒާރުދޭ މަންޒަރުވެސް ފެނެއެވެ.

އޭގެ ފަހުން އާންމުވި ވީޑިއޯގައި އެ ޒުވާނާ ބަރަހަނާކޮށް އަނިޔާ ކުރާ މަންޒަރު ފެނެއެވެ. އަދި ލަދުވެތި ގުނަވަން ދައްކަން މަޖުބޫރު ކުރުވައެވެ.