ކޮވިޑް-19 އިނަ ދިފާޢުވުމަށް ވެކްސިން ޖަހާފައިވާ މީހުން އެނގޭނެ ޑިޖިޓަލް ޕާސްޕޯޓް މިއަދު ތައާރަފުކޮށްފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިއަދު ބުނީ covidsafe.gov.mv މެދުވެރިކޮށް ވެކްސިންގެ ޑޯޒާއި ކޮވިޑަށް ޓެސްޓުކުރި ނަތީޖާތައް ފެންނާނެ ކަމަށެވެ.
މި ޕޯޓަލް ބޭނުންކުރާނެ ގޮތް:
▪︎ covidsafe.gov.mv ޕޯޓަލް އަށް ވަނުމުން އައިޑީކާޑު/ ޕާސްޕޯޓު ނަމްބަރު ޖެހުމަށްފަހު ފޯނު ނަމްބަރު ޖަހަން އަރާނެ
▪︎ އޯޓީޕީ ޖެހުމަށް ފަހު ޕޯޓަލްއަށް ވަދެވޭނެ
▪︎ މައުލޫމާތުތައް ރައްކާތެރިކުރުމަށް ޕޯޓަލް އަށް ވަދެވޭނީ އެޗްޕީއޭ އަށް ކުރިން ދީފައިވާ ފޯނު ނަމްބަރުން އެކަނި
▪︎ އެމީހެއްގެ ކޮވިޑް ސްޓޭޓަސްގެ މައުލޫމާތު ކިއުއާރު ކޯޑަކުން އެހެން މީހުންނަށް ވަކި ވަގުތެއް ވަންދެން ހިއްސާކުރެވޭނެ އަދި ވެކްސިން ސެޓްފިކެޓް ޕްރިންޓުކުރެވޭނެ
ރާއްޖޭގެ ކޯވިޑްސޭފް ޕޯޓަލް އަކީ މިނިސްޓްރީ އޮފް ހެލްތުގެ ރަސްމީ ކޮވިޑް-19 ޑިޖިޓަލް ވެކްސިން ޕާސްޕޯޓް
ކޯވިޑްސޭފް އިން ތިރީގައިވާ ޙާލަތުތައް ޑިޖިޓަލް ކޮށް ކަށަވަރު ކޮށްދޭ
-
ވެކްސިން ޑޯޒު
-
ކޯވިޑް 19 ގެ ސިއްޙީ ޙާލަތު
-
ކަރަންޓީން ޙާލަތު
-
އެންމެ ފަހުގެ ކޯވިޑް 19 ޓެސްޓުތަކުގެ ނަތީޖާ