ސްކޫލް ކުދިންގެ ވެކްސިން ޕްރޮގްރާމްގެ ދަށުން 30571 ދަރިވަރަކު ކޮވިޑް ވެކްސިން ފުރިހަމަ ކޮށްފި އެވެ.
އެޑިއުކޭޝަން މިނިސްޓްރީ އިން ބުނީ ރާއްޖޭގެ އާބާދީގެ 12 އަހަރާއި 17 އަހަރާ ދެމެދުގެ 36،029 ދަރިވަރުން ވެކްސިންގެ ފުރަތަމަ ޑޯޒް ޖަހާފައިވާކަމަށެވެ. އޭގެތެރެއިން ވެކްސިންގެ ދެވަނަ ޑޯޒު 30،571 ދަރިވަރުން ފުރިހަމަކޮށްފައިވާ ކަމަށް މިނިސްޓްރީން ބުނެއެވެ.
ސްކޫލްތަކުގައި އުމުރުން 12 އަހަރުން މަތީގެ ދަރިވަރުންގެ ތެރެއިން ވެކްސިން ޖެހޭނެ، ގާތްގަޑަކަށް 40000 ދަރިވަރުން ތިބިކަމަށް އެޑިއުކޭޝަން މިނިސްޓްރީން ބުނެއެވެ.
ސުކޫލް ކުދިންގެ ވެކްސިން ޕްރޮގްރާމް ފަށައިފައިވަނީ އޮގަސްޓް މަހުގެ 15 ވަނަ ދުވަހު އެވެ.