އިދިކޮޅު ޕީޕީއެމްއާ އަލަށް ގުޅުނު މެންބަރުންގެ ފޯމްތައް އިލެކްޝަންސް ކޮމިޝަން (އީސީ) އަށް މިއަދު ހުށައަޅައިފި އެވެ.
ޕީޕީއެމުން ބުނީ 500 މެންބަރުންގެ ފޯމް މިއަދު އިލެކްޝަންސް ކޮމިޝަނަށް ހުށައަޅާފައިވަނީ ޕާޓީން ބަލަން ޖެހޭ ކަންކަން ބެލުމަށް ފަހު ކަމަށެވެ.
ޕީޕީއެމަށް 100،000 މެންބަރުން ހަމަކުރުމަށް އަމާޒު ހިފާފައިވާއިރު، އެ އަމާޒަށް ވާސިލުވުމުގެ ގޮތުން އެ ޕާޓީގެ އިސްވެރިން އަންނަނީ ރާއްޖޭގެ އެކި ރަށްތަކަށް ޒިޔާރަތް ކުރަމުންނެވެ.
ޕީޕީއެމުން އަންނަނީ ސަރުކާރު ޒިންމާދާރުކޮށް ޖަވާބު ދާރީ ކުރުމަށް މަގުމަތީގައިވެސް ގިނަ ހަރަކާތްތަކެއް ބާއްވަމުންނެވެ. އެގޮތުން މިދިޔަ ހުކުރު ދުވަހުވެސް މިނިވަންކަމުގެ ދިފާއުގައި ޚާއްސަ ހިނގާލުމެއް ވަނީ ބާއްވާފައެވެ.
advertisment