ދޯންޏެއް އަޑިއަށް ދާތީ އެމްއެންޑީއެފުން ހަރަކާތްތެރިވަނީ

ވ. ފުއްސަރު ކައިރިން ދޯންޏެއް އަޑިއަށް ދާތީ އެމްއެންޑީއެފް ކޯސްޓްގާޑުން ހަރަކާތްތެރިވާން ފަށައިފިއެވެ.

އެމްއެންޑީއެފުން ބުނީ ފ. އަތޮޅު ފީއަލި ކައިރިން ފުރައިގެން މާލެ ދަތުރުކުރި “އަލަމާ-05” ނަމަކަށް ކިޔާ ދޯންޏެއް ފުއްސަރުގަޅުގެ ހުޅަނގު ދެކުނުން ހަތަރު ވަރަކަށް ނޯޓިކަލް މޭލުން ދިޔަވެ އަޑިއަށްދާކަމުގެ މައުލޫމާތު ލިބިގެން އެމްއެންޑީއެފް ކޯސްޓްގާޑުން ހަރަކާތްތެރިވަމުންދާ ކަމަށެވެ.

މިހާދިސާގެ މަޢުލޫމާތު އެމްއެންޑީއެފް ކޯސްޓްގާޑަށް ލިބިފައިވަނީ ރޭ 23:22 ހާއިރުއެވެ.

އެމްއެންޑީއެފުން ބުނީ އެ ދޯނީގައި ތިބީ ތިން މީހުން ކަމަށާއި މިދޯނި ދަތުރު ކުރަމުން ދިޔައީ، ފީއަލީ ކައިރިން ފާނަ މަސްވެރިކަމުގައި އުޅޭ ދޯނިފަހަރުން ފާނަ ގަނެގެން މާލެއަށް ކަމަށެވެ.