ޗެއާޕާސަންގެ އިންތިޚާބުން ބަލިވެވަޑައިގަތްކަން ގާބޫލުކޮށް، އެ އިންތިޚާބު ކާމިޔާބު ކުރެއްވި އިކޮނޮމިކް މިނިސްޓަރު ފައްޔާޒަށް މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ، މަރުޙަބާ ދަންނަވައިފިއެވެ.
ޗެއާޕާސަން ކަމަށް މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި)އާ ވާދަކުރައްވައި ފައްޔާޒް ކާމިޔާބު ހޯއްދެވީ 58 ޕަސެންޓުންނެވެ.
އިންތި ކުރެއްވި ޓްވީޓެއްގައި ވިދާޅުވީ ނިމިދިޔަ އިންތިޚާބުގައި އޭނާއާއެކު މަސައްކަތް ކޮށް ވޯޓުދެއްވި އެންމެހާ މެމްބަރުންނަށް ހިތުގެ ފުނުން ޝުކުރު ދަންނަވާ ކަމަށެވެ.
“އަޅުގަނޑުމެން މިވީހާ ދުވަހު ނަގަހައްޓަމުން މިއައި ހަމަތަކާ އަސާސްތަކުގައި މިޕާޓީއާއެކު ދެގޮތެއްނުވެ، އަބަދުވެސް ދެމިހުންނާނަން.” އިންތި ވިދާޅުވިއެވެ.